Medida sira kona-ba estabelesimentu ensinu no formasaun profissional durante estadu emerjénsia
Prezidénsia Konsellu Ministrus
VIII Governu Konstitusionál
...........................................................................................................................
loron 28 fulan marsu tinan 2020
Komunikadu Imprensa
Medida sira kona-ba estabelesimentu ensinu no formasaun profissional durante estadu emerjénsia
Refere ba deklarasaun estadu emerjénsia, hetan aprovasaun iha Konsellu Ministrus husi loron 28 fulan-marsu 2020, Dekretu Governu nian ne’ebé halo enumerasaun ba medida sira husi ezekusaun husi deklarasaun estadu emerjénsia.
Medida sira ne’ebé aprovadu iha objetivu atu prevene COVID-19, halo kontensaun ba pandemia, salva ema nia vida no garante subsisténsia husi kadeia abastesimentu husi beins no servisu sira ne’ebé esensiál ba ita nia populasaun, maske sira ne’e bele limita liberdade no direitu fundamentál balu. Medida sira ne’e sei hola ho respeitu ba limite konstitusionál sira no tuir orientasaun sira husi Organizasaun Mundiál Saúde no ezemplu husi Estadu sira seluk.
Estadu emerjénsia tama iha vigor iha 00:00 oras husi loron 28 fulan-marsu 2020 to’o oras 23:59 husi loron 26 fulan-abril 2020 no aplika ba territóriu nasionál tomak.
Durante estadu emerjénsia, halo suspensaun ba atividade hanorin hotu iha rejime prezensiál no taka instalasaun sira husi estabelesimentu edukasaun, ensinu no formasaun profisionál no halo proibisaun ba profesór no alunu sira atu iha fatin ne’ebé refere. Iha períodu ne’e tenke halo promosaun ba ensinu distánsia liu husi meius informasaun no komunikasaun. FIM
