Medida sira kona-ba Administrasaun Públika durante estadu emerjénsia
Prezidénsia Konsellu Ministrus
VIII Governu Konstitusionál
...........................................................................................................................
loron 28 fulan marsu tinan 2020
Komunikadu Imprensa
Medida sira kona-ba Administrasaun Públika durante estadu emerjénsia
Refere ba deklarasaun estadu emerjénsia, hetan aprovasaun iha Konsellu Ministrus husi loron 28 fulan-marsu 2020, Dekretu Governu nian ne’ebé halo enumerasaun ba medida sira husi ezekusaun husi deklarasaun estadu emerjénsia.
Medida sira ne’ebé aprovadu iha objetivu atu prevene COVID-19, halo kontensaun ba pandemia, salva ema nia vida no garante subsisténsia husi kadeia abastesimentu husi beins no servisu sira ne’ebé esensiál ba ita nia populasaun, maske sira ne’e bele limita liberdade no direitu fundamentál balu. Medida sira ne’e sei hola ho respeitu ba limite konstitusionál sira no tuir orientasaun sira husi Organizasaun Mundiál Saúde no ezemplu husi Estadu sira seluk.
Estadu emerjénsia tama iha vigor iha 00:00 oras husi loron 28 fulan-marsu 2020 to’o oras 23:59 husi loron 26 fulan-abril 2020 no aplika ba territóriu nasionál tomak.
Durante estadu emerjénsia, Membru sira husi Governu no órgaun ezekutivu sira husi pessoa koletiva públika sira ne’ebé inklui iha administrasaun indireta husi Estadu halo identifikasaun ba rekursus umanus sira ne’ebé nesesáriu atu garante funsionamentu, iha rejime servisu mínimu, husi servisu públiku ne’ebé sira dirije, hodi garante funsionamentu husi Administrasaun Públika no prestasaun ba sidadaun no empreza sira husi sasán no servisu ne’ebé urjente no labele atraza.
Funsionáriu sira ne’ebé la iha obrigasaun prezensa iha sira nia servisu tenke mantein posibilidade kontatu liu husi telefone no tama servisu iha sira nia fatin servisu bainhira hetan bolu husi sira nia xefe.
Bainhira bele, rekursus umanus sira tenke hetan dalan atu hala’o sira nia atividade profisionál iha rejime la prezensiál, no liu husi teknolojia foun husi komunikasaun no informasaun.
Instalasaun sira ne’ebé iha servisu públiku tenke garante katak iha distánsia pelumenus metru ida entre kada ema no fó meiu sira ne’ebé nesesáriu atu bele fase liman molok tama. FIM
