Ministra Edukasaun, Juventude no Desportu, Dulce de Jesus Soares, ho Vise-Ministra ba Kuidadu Saúde Primáriu, Élia António de Araújo dos Reis Amaral, akompaña husi premiadu Nobel ba Páz, José Ramos Horta, simu vizita hosi prinseza Maha Chakri Sirindhorn Tailándia, iha 10 Juñu 2019, iha otél Timor, Dili.

Iha nia diskursu Ministra Edukasaun, Dulce de Jesus, hateten kooperasaun entre Governu Timor-Leste ho reinu Tailándia iha área edukasaun la’o di’ak tebetebes no presiza fortifika iha futuru.

“Agradese ba apoiu ne’ebé reinu Tailándia oferese durante ne’e no ba nia vizita ne’ebé hala’o ba daruak ona.

Durante iha Timor-Leste, Prinseza Tailandeza hala’o  mós  vizita ba eskola Bázika Filial (EBF)  Fatuquero, postu administrativu Gleno, Munisípiu Ermera, eskola EBF Akanunu, Hera no mós Laboratóriu iha Ospitál Nasionál Guido Valadares.

 Marka prezensa iha serimónia ne’e, Diretór Jerál MNEC, Diretór Polítika ba Parseria MEJD no mós Diretór Asaun Sosiál Eskolár MEJD, Belchior Guerra.