Sekretáriu Estadu komunikasaun Sosial, Merício Juvinal dos Reis “Akara” kuarta feira horseik (15/5)  hala’o enkontru ho Administrador munisípiu Manufahi no Aileu iha salaun SECOMS Palácio do Governu Díli.

Tuir Secretário Estadu katak  VIII governu ne’e apresia ho autoridade lokal sira nia pro ativa no iha mós boa vontede hodi kolabora hamutuk.

“Iha programa “Naroman ba Suku” ba Suku ne’e atu  dezenvolve informasaun, diskuti kona-ba prioridade komunidade, promove fatin turistika, no mos ba aspetu ekonómia hodi bele lansa iha média online,  para bele atrai turista sira hosi nível nasional no mós internasional  afirma Secretáriu Estadu .

Tuir Administradór  munisípiu de Aíleu, João Tilman do Rego  hateten programa ne’e atu akumula partisipasaun komunidade sira nian liuliu ba informasaun no programa desentralizasaun iha prosesu VIII governu ne’e. Iha parte seluk Administrador  munisípiu Manufahi, Arantes Isaac Sarmento  Elógia ba programa SECOMS ne’ebé sei lansa programa “Naroman ba Suku” iha suku Rotutu  postu administrativu Same Villa, no suku Liurai Munisípiu Aileu ne’ebé mak ami determina ona.