Soru-mutu Konsellu Ministrus loron 13 Fulan MaioTinan 2009
IV GOVERNU KONSTITUSIONÁL
SEKRETARIA ESTADU KONSELLU MINISTRUS
.......................................................................................................
KOMUNIKADU BA IMPRENSA
Sorumutuk Konsellu Ministru loron, 13 fulan Maiu tinan 2009
Sorumutuk Konsellu Ministru iha kuarta-feria ne’e, loron 13 fulan Maiu tinan 2009, iha Sala sorumutuk Konsellu Ministru, iha Palásiu Governu, iha Díli, no aprova tiha ona:
1. Rezolusaun ne’ebé kria Komisaun Koordenasaun ba Resenseamentu Jerál Populasaun nian no Resenseamentu Jerál ba Abitasaun tinan 2010
Tanba polítika Governu nian ne’ebé reflete ba sidadaun tomak, membru Konsellu Ministru sira, ohin aprova tiha ona rezolusaun ida ne’ebé kria Komisaun Koordenasaun ba Resenseamentu Jerál Populasaun nian no Resenseamentu Jerál Abitasaun tinan 2010.
Resenseamentu ne’e iha nia objetivu kontajen, identifikasaun no karaterizasaun hosi populasaun sira rezidente iha país ne’e nu’udar levantamentu no tipifikasaun alojamentu no kondisaun moris sira nian. Dadus sira sei rekolla liu hosi inkéritu ne’ebé sei nu’udar hanesan estatístika.
Konsellu Ministru mós analiza tiha .
1. Aprezentasaun Relatóriu kona-ba Investimentu Espesiál ba Dezenvolvimentu
Relatóriu kona-ba Investimentu Espesiál ba Dezenvolvimentu, ohin aprezenta tiha ona iha Konsellu Ministru, temi to’o ba perspetiva emprezáriu timor oan nian no emprezáriu internasionál bainhira iha posibilidade kréditu, burokrasia liu hosi kriasaun empreza ida to’o ba kualifika maun-de-obra. Hateke matan haré ba iha impaktu realidade ida ne’e, alternativa hirak aprezenta liu tiha ona tanba la dun enfoku ba aumentu benefísiu ba investór sira maibe konsentra bo’ot liu atu hamenus difikuldade ba setór privadu nian.
Iha liña investimentu, importante atu labele haluha ne’ebé la’os projetu hotu-hotu investigasaun katak lós liu ba país ka ba ekonomia no ne’e duni mak halo estudu tékniku ida, kona-ba avaliasaun ida diak liu ba ne’e.
Harí Komisaun Internasionál ida ba Investimentu, ida ne'e pasu foun ida diak ba konstituisaun ekipa ida ne’ebé responsabiliza kona-ba análize proposta investimentu privadu estranjeiru nian no setór privadu timor oan nian.
