Governu asina akordu kooperasaun nian ho Millennium Challenge Corporation
Ministru Reforma Lejizlativa no Asuntu Parlamentár, Fidelis Magalhães, asina ona Akordu Finansiamentu Inisiál nian ida ho Vise-Prezidente Adjuntu Millennium Challenge Corporation (MCC), Jonathan Brooks, iha loron 21 fulan-jullu tinan 2018, iha Palásiu Governu iha Dili.
Ho akordu ne’e, Governu simu apoiu finanseiru rihun 750 dolar amerikanu ba harii ekipa ida, ne’ebé halo parte iha programa Millennium Challenge Compact, ne’ebé durante fulan 24 ba oin sei identifika setór ekonómiku sira ne’ebé sei dezenvolve durante implementasaun programa ne’e nian, ne’ebé sei hala’o husi tinan 2020 to’o 2025 ho objetivu atu promove no dezenvolve kreximentu ekonómiku iha Timor-Leste.
Millennium Challenge Corporation mak ajénsia kooperasaun ida husi Estadus Unidus Amérika nian, ne’ebé harii iha tinan 2014, ho objetivu prinsipál sira iha promosaun kreximentu ekonómiku nian no luta hasoru ki’ak.
Marka prezensa serimónia asinatura akordu nian ne’e, Embaxadora Estadus Unidos Amérika nian iha Timor-Leste, Kathleen Fitzpatrick.
