Sorumutuk Estraordinária Konsellu Ministrus nian iha loron 16 fulan-jullu tinan 2018
Prezidénsia Konsellu Ministrus
VIII Governu Konstitusionál
...........................................................................................................................
Komunikadu Imprensa
Sorumutuk Estraordinária Konsellu Ministrus nian iha loron 16 fulan-jullu tinan 2018
Konsellu Ministrus hala’o sorumutuk iha Palásiu Governu, iha Dili, atu analiza fila fali hamutuk ho membru sira hotu husi Governu Konstitusionál VIII nian planu tékniku estratéjiku kona-ba preparasaun Orsamentu Jerál Estadu nian ba tinan 2018, ne’ebé hato’o husi Ministra Finansas iha Ezersísiu, Sara Lobo Brites. Planu ne’ebé hetan ona apresiasaun husi membru Governu sira ne’e aprezenta rekomendasaun ba metodolojia, kalendáriu no opsaun sira ba senáriu no ba fatór sira ne’ebé determina limite másimu ba Orsamentu Jerál Estadu tinan 2018 nian, haree ba objetivu sira husi Planu Estratéjiku Dezenvolvimentu, sustentabilidade fiskál no ezekusaun orsamentál ne’ebé ho kualidade. REMATA
