Deklarasaun Porta-vóz IV Governu Konstitusional iha 15 Outubru 2009
Deklarasaun Husi Porta-vóz IV Governu Konstitusionál,
Sekretáriu Estadu Konselhu Ministrus
Díli, 15 Outubru, 2009
Governu AMP elozia eleisaun sukus i kondena FRETILIN tanba interfere
Governu AMP ne’ebé lidera husi Sua Exelênsia Xanana Gusmão elozia nasaun ne’e tanba hatudu nia maturidade politika iha eleisaun sukus. Timor-Leste iha distritus 13 ho sukus 442.
Eleisaun ne’e reflete komprimentu di’ak iha rain ne’e ne’ebé nakonu ho paz i hatudu duni klima estabilidade aktual iha Timor-Leste.
Lei eleitural ba eleisaun sukus nian, kontráriu ho eleisaun presidensial ho lejislativo, bandu kandidatus atu reprezenta partidus polítikus. Kandidatu sira tenke independente i fo fiar makas ba votante sira atu vota ba líder ida ne’ebé díak liu atu bele atende necessidades iha sira nia komunidade laran.
Iha 13 Outubru, FRETILIN halo deklarasaun ida ne’ebé anunsia katak “ rezultadus husi eleisaun lideres komunitarius sabadu kotuk ba, reprezentantes FRETILIN hetan posisaun 56% i FRETILIN sei mos hetan tan 10% hamutuk ho partidu aliadu seluk. Iha Díli FRETILIN manan 60% ba lideransas sukus.
Agio Pereira, Porta-voz IV Governu Konstitusionál i Sekretáriu Estadu Konselhu Ministrus, haktuir katak “FRETILIN nia deklarasaun ba imprensa iha 13 Outubru, hatudu katak sira nia kompriensaun kona ba lejislasaun ne’e la dun los.”
‘Deklaraun ne’e hatudu interferênsia iha prosesu eleitoral ne’ebé hala’o ho espírito independente, i haktuir espírito independente ne’e iha eleisaun Sukos importante tebes hodi fó benefisiu ba ita nia komunidade sira.
‘Governu fo parabéns ba candidatu sira ne’ebe Povu hili ona iha territóriu tomak tamba hatudu nafatin integridade i dignidade durante prosesu eleisaun. IV Governu Konstituisionál envia ba oficial hotu-hotu votus susesu i kongratula votante sira ne’ebe hola parte iha momentu istoriko Nasionál ida ne’e.
