Governu Timor-Leste

Sekretáriu Estadu Konselho Ministrus i

Portavoz Oficiál Governo Timor-Leste

Díli, Novembru 19, 2009

Protesaun Pesoál i Seguransa ba Oficiais Governu

Korpu Seguransa Pesoál sira ne’ebé mak fó protesaun ba membrus Governo hala’o nafatin sira nia knar ho profisionalismu i integridade.

Tuir prátika internasionál ne’ebé iha, seguransa atribui ba ema sira mak presija tebes protesaun bazíka. Ne’e inklui Sekretáriu Jerál Partidu Fretilin nian, Marí Alkatiri, no Presidente Partidu Fretilin, Lu-Olo; ne’ebé konfirma ka aprova tiha ona kualidade no dedikasaun husi unidades protesaun ne’ebé treinadu.

Ofisiál seguransa sira normalmente lori pistol liman nian pelo menus parsialmente okulta.

Kestaun ne’ebé relasiona ho permisaun unidades protesaun atu tama iha Parlamentu Nasionál debate bebeik tinan-tinan, ho konsensu jerál hodi permite seguransa sira hala’o sira nia kna’ar no funsoens tuir regras protukolu ho diskrisaun servisu nian. To’o oras ne’e, Ofisiál seguransa sira nunka halo intervensaun ka interupsaun ba prosedimentus Parlamentu Nasionál nian.

Sekretáriu Estadu Konselho Ministrus i Portavoz Ofisiál Governo Timor-Leste nian, nota katak “Deklarasaun internasionál ne’ebé José Teixeira halo ofensivu tebes ba asuwaín mane ho feto sira ne’ebé servi iha Timor-Leste, servi mos ninian pilares soberanu i fó protesaun ba ema ne’ebé sira tau matan ba. Teixeira sedauk haré katak, oras ne’e, Timor-Leste iha forsa forsa seguransa ida mak apartidaria. Ofisiál sira balun iha Uma Fukun mós hetan xamada-de atensaun husi Membrus Parlamentar Fretilin hodi bandu sira nia presensa iha neba, maske nu’udar sidadaun sira mos iha direitu atu rona debate ne’e.”

“Deklarasoens ne’e so hatún deit ita nia Nasaun iha komunidade internasionál i lafó benefisiu ida ba ita nia povu. Ida ne’e simboliza atitudes eksesivu mak la produtivu tebes durante períodu orsamentu, buat ne’e mak infelizmente, ita sei haré iha semanas tuir mai.”