Toleránsia pontu iha loron 27 no loron 29 fulan-novembru tinan 2017
Prezidénsia Konsellu Ministrus
VII Governu Konstitusionál
..............................................................................................................................
Dili, loron 22 fulan-novembru tinan 2017
Komunikadu Imprensa
Toleránsia pontu iha loron 27 no loron 29 fulan-novembru tinan 2017
Governu deside atu fó toleránsia pontu iha loron 27 no loron 29 fulan-novembru ba funsionáriu hotu-hotu no ajente ministériu ka servisu sira ne’ebé sira serbisu ba, no mós institutu no organizmu sira ne’ebé integra iha Administrasaun Indireta Estadu nian.
Atu fó loron rua ne’e, Governu hakarak permite dezlokasaun, ho hakmatek, entidade ofisiál, funsionáriu sira no populasaun hotu nian ba komemorasaun ofisiál sira Loron Proklamasaun Independénsia Repúblika Demokrátika Timor-Leste nian, ne’ebé sei hala’o iha Munisípiu Suai, iha loron 27 no loron 28 fulan-novembru, hanesan mós ba selebrasaun sira ne’ebé sei hala’o iha país hotu.
Desizaun ne’e foti bazeia ba Lei n. 10/2005, loron 10 fulan-agostu, ne’ebé prevee atu fó toleránsia pontu tanba akontesimentu nasionál. REMATA
