Toleránsia pontu iha loron 3 fulan-novembru tinan 2017
Prezidénsia Konsellu Ministrus
VII Governu Konstitusionál
..............................................................................................................................
Dilí, loron 29 fulan-outubru tinan 2017
Komunikadu Imprensa
Toleránsia pontu iha loron 3 fulan-novembru tinan 2017
Governu deside ona hodi fó toleránsia pontu iha loron 3 fulan-novembru ba funsionáriu no ajente sira hotu husi ministériu sira ka servisu dependente ba sira, nune’e mós husi institutu no organizmu integradu sira iha administrasaun indireta Estadu nian, tanba Loron Nasionál Feto nian, ne’ebé komemora iha loron 3 fulan-novembru.
Feto sira komemora loron ida ne’e nu’udar parseira ne’ebé ho direitu sira hanesan, iha nível konstitusionál, maibé mós liuhusi prespetiva kultura, inkluzaun no valorizasaun sosiál feto nian iha sosiedade timorense.
Desizaun ida ne’e tuir Lei nu 10/2005, loron 10 fulan-agostu, ne’ebé prevee bele fó toleránsia pontu tanba akontesimentu nasionál, iha kazu partukulár ida ne’e, Loron Nasionál Feto nian.REMATA
