Prezidente Repúblika, Francisco Guterres Lú Olo, fó ona pose ba membru 20 Governu Konstitusionál VII nian, ne’ebé lidera husi Primeiru-Ministru Marí Alkatiri, iha serimónia ida ne’ebé hala’o iha loron 3 fulan-outubru, iha Palásiu Prezidente Nicolau Lobato, iha Dili.

Sira ne’ebé simu pose iha serimónia ida-ne’e maka: Ministru Estadu no Ministru Rekursu Minerál, Mariano Assanami Sabino; Ministru-Adjuntu Primeiru-Ministru nian ba Delimitasaun Fronteira sira, Hermenegildo Augusto Cabral Pereira; Ministru-Adjuntu Primeiru-Ministru nian ba Asuntu sira Governasaun nian, José Maria dos Reis; Ministru Edukasaun no Kultura, Fernando Hanjam; Ministru Petróleu, Hernâni Filomeno Coelho da Silva; Vise-Ministru Dezenvolvimentu ba Obras Públikas, Mariano Renato Monteiro da Cruz; Vise-Ministru Dezenvolvimentu ba Abitasaun, Ordenamentu no Ambiente, Abrão Gabriel Santos Oliveira; Vise-Ministru Dezenvolvimentu ba Transporte no Komunikasaun, Inácio freitas Moreira; Vise-Ministru Administrasaun Estatál, José Anuno; Vise-Ministru Edukasaun no Kultura, José António de Jesus das Neves; Vise-Ministru Saúde, Luís Maria Ribeiro Freitas Lobato; Vise-Ministru Justisa, Sebastião Dias Ximenes; Vise-Ministru Komérsiu no Indústria, Jacinto Gusmão; Vise-Ministru Agrikultura no Peskas, Deolindo Silva; Sekretária Estadu Igualdade Jéneru no Inkluzaun Sosiál, Laura Menezes Lopes; Sekretáriu Estadu Agrikultura no Peskas, Cipriano Esteves Doutel Ferreira; Sekretáriu Estadu Konsellu Ministrus no Komunikasaun Sosiál, Matias Freitas Boavida; Sekretáriu Estadu Desportu no Promosaun Alta Kompetisaun, Osório Florindo da Conceição Costa; Sekretáriu Estadu Juventude no Traballu, Nívio Leite Magalhães; no Sekretáriu Estadu ba Veteranu sira, André da Costa Belo.

Membru 21 ne’e sei ba hamutuk ho sira na’in 12 ne’ebé simu ona pose iha loron 15 fulan-setembru, iha Palásiu Prezidensiál Lahane, iha Dili, ne’ebé inklui Primeiru-Ministru, Marí Alkatiri.

Atu lee notísia kona-ba simu pose ne’ebé hala’o iha loron 15 fulan-setembru, klike iha ne’e.

Atu lee diskursu Primeiru-Ministru nian, klike iha ne’e.