Sekretáriu Estadu Konselhu Ministrus i

Portavoz Ofisiál Governu

 

Díli, 1 Dezembru , 2009

 

Líderes Jovens Timor-oan sira ba atende “Generations for Peace Camp” iha Jordânia

Líderes jovens Timor-oan nain sia (husi totál sanulu resin ida), ohin sai ba Jordânia atu partisipa iha Kampu Formasaun Internacionál ba Gerasoens Dame nian, tuir convite ne’ebe mai husi Rai Bo’ot Don Feisal Al Hussein ulun bo’ot Nasaun Jordânia nian. Kampu ba Dame sai hanesan rezultadu ida mak mai husi ninia organisazaun naran Gerasoens ba Dame; inisiativa globál ida ho objetivu atu ‘kontribui ba necessidade bót liu mundu nian ba toleransia no kompriensaun entre komunidades sira mak moris iha konflitus laran; tuir dala ida mak buka i desejo ba Dame.’

Organizasaun ne’e uja desporto ho edukasaun paz nian nu’udar meius ida hodi fó inspirasaun no hakbiit líderes joven sira husi rejioens konflitus sira atu sai nu’udar ajentes ba mudansa iha sira nia komunidades rasik.

Entre Dezembru 5-17, 2009, líders jovens Timor-oan sira ne’e sei hola parte iha programa treinamentu ida kona-ba Kualifikasaun Lideransas i Desporto, iha Amã, ho fokus liu hodi harii dame, harii kapital sosial i ba membrus sira bele iha sentimentu naiin ba sira nia komunidades rasik, normaliza esistente ema nian, fortefika abilidade foin sae sira nian, hatutan moris koletividade ne’ebé laiha bareira.

Ne’e mak edisaun ba dala lima kampo ne’e sei halibur hamutuk partisipantes 80 husi Nasoens Afrika i Ásia inklui mos Timor-Leste.

“Pioneirus ba Paz” hirak ne’e sei fila mai Timor-Leste, depois-de iha ona biban ida hodi fahe sira nia experiensias ho líderes jovens husi Nasoens seluk, aprende tan meius atu bele fasilita no implementa programas espesiál iha Timor-Leste, i sei lori fila ba sira nia komunidades rasik konhesimentu i kompriensaun foun kona-ba harii paz nian.

Primeiru-Ministru, Sua Excelensia Kay Rala Xanana Gusmão, lori Governu ho Povu Timor-Leste nia naran, hato’o ninia gratidaun kle’an tebes ba oportunidade ne’e ba Timor-Leste no nia futuru líderes sira.

LiuRai Bót Don Feisal Al Hussein iha planu sei mai vizita Timor-Leste iha 2010, tuir konvite husi Primeiru-Ministru Gusmão, atu konsolida i fortalese relasoens entre Nasoens rua ne’e.