Eleisaun lejizlativa dahuluk Timor-Leste nian ne’ebé hala’o tomak loos de’it husi autoridade Timor-Leste nian sira la’o lahó distúrbiu, ho partisipasaun ida ne’ebé di’ak husi eleitór sira no hetan atensaun husi fiskál partidu sira ninian no mós observadór sira, tuir Prezidente Komisaun Nasionál Eleisaun nian, Alcino Baris.

Ida-ne’e maka eleisaun ida ne’ebé la’o ho dame liuhotu iha istória Timor-Leste nian, tanba la mosu insidente grave durante prosesu ne’e tomak: kampaña, votasaun no kontajen votu nian. Atu dehan klaru mós katak ida-ne’e hanesan ba dala uluk maka timoroan sira ne’ebé hela iha rai-li’ur bele vota iha eleisaun parlamentár. 

Governu no populasaun la hakfodak ho faktu ida-ne’e, tanba iha eleisaun Prezidénsia Repúblika nian, ne’ebé hala’o ona iha loron 20 fulan-marsu tinan ida-ne’e, mós la’o nune’e.

Rezultadu sira, ne’ebé ninia apuramentu ikus nian sei hala’o husi STAE - Sekretariadu Tékniku Administrasaun Eleitorál, tenke sertifika husi Tribunál Rekursu, tuir kalendáriu eleisaun nian, ne’ebé bele haree iha ne’e.