Lia-tatolin solidariedade nian ba Portugál
Ministru Estadu no Prezidénsia Konsellu Ministru no
Portavós Ofisiál Governu Timor-Leste
Dili, loron 20 fulan-juñu tinan 2017
Lia-tatolin solidariedade nian ba Portugál
Koñesimentu kona-ba estadu katástrofe (dezastre boot) no halakon ema-nia moris tamba ahi-han rai (inséndiu florestál) iha sentru norte Portugál nian, ba ida ne’e Governu Timor-Leste hakarak hato’o nia lia-tatolin solidariedade nian ba Governu Repúblika Portugeza no ba povu portugés.
Primeiru-Ministru Timor-Leste nian, Rui Maria de Araújo, hateten katak “lakon ema-nia moris ne’e susar boot tebetebes” no garante katak “Povu Timor-Leste ninia hanoin no orasaun hamutuk ho ita-nia feton no naan sira iha Portugál”.
Governu Timor-Leste hato’o ninia kondolénsia ba família no belun sira ne’ebé lakon família no belun sira-nia moris no haruka lia-tatolin apoiu nian ba Prezidente Marcelo Rebelo de Sousa no ba Primeiru-Ministru António Costa, iha momentu difisil ida ne’e. Governu mós husik hela liafuan rekoñesimentu ba servisu ne’ebé bombeiru sira no elementu intervensaun lokál sira halo ona hodi hatudu sira-nia aten-barani hasoru kondisaun hirak ne’ebé difisil tebetebes. REMATA
