Governu hato’o kondolénsia ba Prezidente Vanuatu ninia mate, Baldwin Lonsdale
Ministru Estadu no Prezidénsia Konsellu Ministru no
Portavós Ofisiál Governu Timor-Leste
Díli, loron 19 fulan-juñu tinan 2017
Governu hato’o kondolénsia ba Prezidente Vanuatu ninia mate, Baldwin Lonsdale
Ho laran triste Governu tebes Timor-Leste simu notísia kona-ba Prezidente Repúblika Vanuatu nian, Baldwin Lonsdale nia mate.
Lonsdale hanesan dirijente ida ne’ebé ema respeita tebes, ne’ebé maka serbí ona ninia nasaun ho dignidade. Molok kaer knaar hanesan Xefe Estadu, iha fulan-setembru tinan 2014, nia hanesan funsionáriu públiku, amu-lulik Igreja Anglikana nian no Xefe boot liu iha klibur illa sira Vanuatu nian.
Relasaun Timor-Leste ho Vanuatu ne’ebé maka kle’an tebes. Vanuatu maka nasaun ida ho istória nakonu ho aten-barani, ne’ebé ka’er metin apoiu ida ne’ebé forte ba povu Timor-Leste, durante ita-nia luta ba ukun-rasik an.
Governu hatutan ninia kondolénsia ba família Prezidente Baldwin Lonsdale nian no hodi tenik fila-fali ninia amizade no solidariedade ne’ebé forte ho povu Vanuatu nian.
Portavós, Ministru Estadu Agio Pereira, hateten katak “Prezidente Baldwin Lonsdale ne’e husik hela lia-menon importante ida. Nia hanesan ema ida ne’ebé serbí ho haraik an no aten barani. Ninia mate hanesan lakon boot ida. REMATA
