Espozisaun kona-ba reforma fundamentál haat ne’ebé Governu Konstitusionál VI ezekuta daudaun, hala’o iha loron 5 fulan-juñu, iha salaun Ministériu Solidariedade Sosiál, iha Dili, iha eventu ida ne’ebé halibur hamutuk membru Governu oin-oin.

Primeiru-Ministru, Rui Maria de Araújo, hateten kona-ba nesesidade atu Governu oin mai fó kontinuidade ba reforma hirak ne’e, hodi garante dezenvolvimentu sustentavel.

Responsavel sira husi komisaun haat (Komisaun Reforma no Fomentu Ekonómiku; Komisaun Reforma Fiskál; Komisaun Reforma Administrasaun Públika; no Komisaun Reforma Lejizlativa no  Setór Justisa) esplika kona-ba serbisu ne’ebé dezenvolve hela to’o oras ne’e no forma oinsá kestaun sira ka’it ba malu.

Espozisaun ne’e konta ho partisipasaun ne’ebé boot husi órgaun komunikasaun sosiál nian sira, ne’ebé hetan mós materiál oioin kona-ba reforma sira no progresu husi reforma sira ne’e.

Atu lee komunikadu imprensa Portavós kona-ba inistiativa ida ne’e, klike iha ne’e.

Atu lee diskursu Primeiru-Ministru nian, klike iha ne’e.