Vise-Ministra Saúde nian, Ana Isabel Soares, aranka ona ba Oekusi-Ambenu, iha loron 5 fulan-maiu, hodi observa besik kona-ba aplikasaun ba programa saúde iha Família no vizita sentru saúde lokál sira, hanesan Postu Saúde Tumin no Sentru Saúde Pásabe nian.

Durante ninia vizita, Vise-Ministra ne’e apela ba Prezidente Rejiaun Administrativa Espesiál Oekusi-Ambenu nian (RAEOA), Marí Alkatiri atu fó atensaun ba polítika saúde nian husi Governi liuliu ba iha rejiaun. Na’i-ulun ne’e mós husu atu harii elementu kontaktu ida (pontu fokál) hodi fó asiténsia ba komunikasaun no koordenasaun entre Ministériu Saúde no RAEOA nian.

Ana Isabel Soares apela ba profisionál sira saúde lokál nian, hodi fó atensaun katak “Timor-Leste iha de’it Ministériu Saúde ida” no husu katak “fó servisu di’ak ba povu”. “Lei ne’e la haketak ita, lei serve hodi fó apoiu ba ita-nia serbisu tuir regra sira. Lei ne’e la hateten katak Oekusi-Ambenu iha Ministériu Saúde ida rasik. Administrasaun no finansas maka ketaketak maibé estratéjia no orientasaun sira maka mai husi Ministériu Saúde”, tenik nia.

Programa Saúde iha Família sa’e ba 94% husi uma-kain sira.