Soru-mutu Konsellu Ministrus iha loron 16 fulan Dezembru tinan 2009
GOVERNU KONSTITUSIONAL IV
SEKRETARIA ESTADU KONSELLU MINISTRUS
KOMUNIKADU BA IMPRENSA
Soru-mutu Konsellu Ministrus loron 16 fulan Dezembru tinan 2009
Konsellu Ministrus hala’o sorumutu iha Kuarta-feira loron 16 fulan Dezembru tinan 2009, iha fatin Sorumutu Konsellu Ministrus, iha Palásiu Governu, iha Díli no aprova:
1. Institusionalizasaun data atribuisaun indultus prezidensiais
Loron 25 fulan Dezembru sai eskollidu ba atribuisaun indultus prezidensiais iha Timor-Leste.
Indultu atualmente únika forma ne’ebé iha, iha País, atu hamenus ema nia pena prisaun tambá razaun umanitária ka resosializasaun, hare’e katak seidauk iha diploma ida hodi regula ezekusaun medidas privativas liberdade nian. Indultu iha permitidu bá konta situasaun partikular sériu esforsu dezenvolvidu iha reinsersaun sosial, liu husi via estudu no traballu. Iha permetidu mós perdaun pena nian iha situasaun moras todan ka prolongada. Tó’o momentu ne’e, indultu sira hetan sai konsedidu, tuir forma ad-hoc, iha loron komemorativa oin-oin; Maiu 2004, Maiu 2005, Juñu 2007, Janeiru 2008 no Maiu 2008.
Hahú tinan ida ne’e, sai institusionalizadu loron 25 fulan Dezembru, loron Natal, atu fó Indultu prezidensiál.
Konsellu Ministrus sei analiza mos:
1. Dekretu-Lei kona bá Konsellu Koordenador Operasaun Fronteira
Objetivu hari Konsellu Koordenador Operasaun fronteira nian hodi asumi funsaun autoridade Koordenasaun no artikulasaun husi servisu sira ne’ebé envolvidu iha postu integradu hirak Iha fronteira ka/no seguransa hamutuk iha fronteira terrestre Timor-Leste nian.
Sai formadu husi ministériu no ajénsia nasionál hó responsabilidade iha jestaun fronteira Terrestre, projetu ne’e sai amplu interrese no nesesidade bá País.
