Timor-Leste hato’o nia solidariedade ba Reinu Unidu
Ministru Estadu no Prezidénsia Konsellu Ministru no
Portavós ofisiál Governu Timor-Leste
Díli, loron 24 fulan-marsu tinan 2017
Timor-Leste hato’o nia solidariedade ba Reinu Unidu
Governu Timor-Leste hato’o nia apoiu no solidariedade ba governante sira no ba povu Reinu Unidu, tanba atake iha Londres no hato’o kondolénsia ba família no belun husi vítima sira husi atu terorizmu ida ne’e.
Timor-Leste hamutuk ho komunidade internasionál, kondena asaun kriminoza ne’ebé dirije ba Governu Reinu Unidu nian, xefia husi Primeira-Ministra Theresa May, no fó louvór ba pesoál médiku no seguransa tomak ne’ebé hatánkedas ba tempu difísil ida-ne’e.
Primeiru-Ministru Timor-Leste nian, Rui Maria de Araújo, hatete katak “ami laran triste hanoin populasaun Londres nian no mós sira hotu ne’ebé sai vítima ba akontesimentu traumátiku ida-ne’e. Imi iha ami-nia hanoin no orasaun sira.” REMATA
