Ministru Estadu no Prezidénsia Konsellu Ministru no

  Portavós Ofisiál Governu Timor-Leste

 Dili, Loron 30 fulan-janeiru tinan 2017

 Programa traballu sazonál hetan apoiu husi Governu iha susesu

Programa Traballu sazonál, hetan apoiu husi Sekretária Estadu ba Polítika Formasaun Profisionál no Empregu Timor-Leste nian [SEPFOPE] no hala’o husi Departementu Empregu Austrália nian, aprezenta rezultadu ne’ebé pozitivu tebes. Iha tinan 2016, iha aumentu ida 67,4% iha númeru traballadór timoroan sira ne’ebé hala’o viajen ba Austrália, hodi partisipa iha programa ida ne’e, ne’ebé oferese maundobra sazonál ba empregadu australianu sira, iha setór sira agríkola no indústria oteleira. Iha tinan kotuk, koloka ona traballadór timoroan sira na’in-298, ne’ebé maka barak tebes ba datoluk, hodi servisu iha kinta no otél sira iha nasaun laran hotu.

Embaixadór Timor-Leste nian ba Austrália, Abel Guterres, hatete ona katak “ Programa ne’e iha vantajen ba parte rua ne’e, hodi   garante traballadór ne’ebé fiavel no enérjiku ba empregadór australianu sira no oportunidade ida ba timoroan sira hodi dezenvolve kompeténsia no hetan rendimentu ne’ebé haruka ba nasaun ne’e, hodi fó aoiu ba sira-nia família”. SEPFOPE koloka ona adidu ba Embaixada iha Kamberra, ne’ebé responsavel ba área laborál, hodi fó apoiu ba Programa ne’e.

Programa ne’e bazeia ba Memorandu Entendimentu tinan 2011 nian ida entre Governu sira husi nasaun rua. SEFOPE hili ona kandidatu timoroan sira, ne’ebé kria ona lista ida ba ema ne’ebé disponivel hodi serbisu, ne’ebé maka empregadór australianu sira hetan asesu. Kandidatu sira tenke liu husi teste ida kapasidade fízika nian no hatudu kompeténsia iha uza lia-inglés. Kolokasaun sira tuir períodu to’o fulan neen no maioria iha área ortikultura nian, hodi esplora sereál, ai-fuan no modo-tahan sira.

Iha vídeo badak ida kona-ba Programa ne’e, iha pájina Facebook SWPTL, Delfina Rangel, Xefe Ekipa iha empreza Red Dirt Melons, iha Territóriu Norte Austrália nian, esplika katak tinan 2016, hanesan nia esperénsia  serbisu datoluk no, ninia rezultadu, hateten katak “hakarak atu hahú ninia negósiu rasik”. Empregadór Ross Ingram, Diretór Grupu Bonaccord nian, iha Vitória, hatete katak grupu rua ne’ebé hamriik to’o ohin loron, mai husi Timor-Leste, ne’ebé maka harii husi “ema serbisu na’in no domin na’in sira” ne’ebé maka fó “haksolok hamutuk ho ami”.

Portavóz, Ministru Estadu Agio Pereira nian, hatete katak “Programa Serbisu Sazonál ne’e daudaun hametin ona ligasaun sira entre povu, atu kualifika ita nia serbisu na’in sira no haruka fali osan sira ne’e ba país ne’e no hodi  hatán ba nesesidade ida iha merkadu serbisu australianu nian. Governu hato’o parabéns ba ema hotu ne’ebé envolve ona no agradese ba partisipante sira hotu, tanba sai ona ‘embaixadór’ di’ak sira Timor-Leste nian. REMATA