Toleránsia de Pontu ba loron 26 fulan dezembru tinan 2016, no mos loron 2 fulan janeiru tinan 2017
Prezidénsia Konsellu Ministrus
VI Governu Konstitusionál
..............................................................................................................................
Dili, loron 21 fulan-dezembru tinan 2016
Komunikadu Imprensa
Toleránsia Pontu ba loron 26 fulan-dezembru tinan 2016 no loron 2 fulan-janeiru tinan 2017
Haree ba tempu festa nian ida-ne’e, iha ne’ebé baibain membru família nian sira halibur hamutuk no selebra tinan foun, Governu deside fó toleránsia pontu iha loron 26 fulan-dezembru tinan 2016 no loron 2 fulan-janeiru tinan 2017.
Desizaun ne’e abranje funsionáriu no ajente ministériu nian sira hotu ka servisu hirak ne’ebé depende ba ministériu sira ne’e, no mós institutu no organizmu hirak ne’ebé integra iha administrasaun indireta Estadu nian.
Desizaun ne’e foti bazeia ba Lei n. 10/2005, fulan-agostu, ne’ebé determina feriadu nasionál sira, loron komemorativa ofisiál sira no regra sira kona-ba fó toleránsia pontu.
