Timor-Leste hetan estatutu observadór nian iha Orgainzasaun Mundiál Komérsiu
Ministru Estadu no Prezidénsia Konsellu Ministru no
Portavós Ofisiál Governu Timor-Leste
Dili, Loron 16 fulan-dezembru tinan 2016
Timor-Leste hetan estatutu observadór nian iha Orgainzasaun Mundiál Komérsiu
Iha loron 7 fulan-dezembru, Konsellu Jerál Organizasaun Mundiál Komérsiu nian (OMK) harii ona Grupu Traballu ida ba adezaun Timor-Leste nian no fó ba país ne’e estatutu observadór nian. Nune’e, maka loke partisipasaun nasionál iha sorumutuk sira Konsellu Jerál no iha sorumutuk sira órgaun OMK nian sira seluk “tuir loloos ninia prosesu”, bainhira dezenvolve prosesu tomak adezaun nian.
Ministru Estadu, Koordenadór Asuntu Ekonómiku no Ministru Agrikultura no Peska, Estanislau da Silva, iha sorumutuk ida ne’ebé hala’o iha Jenebra (Suisa), hatete katak “adezaun ba OMK hanesan objetivu prinsipál governu nian ida ne’ebé boot, kontrusaun institusionál no polítila ekonómika ra-li’ur nian husi Governu Timor-Leste”. Asaun ida ne’e tama ba Programa Governu nian, hanesan dalan hodi aselera kreximentu no hodi fó apoiu ba diversifikasaun ekonómika.
Ministru Estadu esplika ona katak hadi’a asesu ba merkadu sira, hanesan mós husi oportunidade sira ba komérsiu, halo parte husi inisiativa polítika nian sira Governu nian hodi “dada no hasa’e investimentu iha área produtiva sira ekonomia nian, hanesan agrikultura, peska, turizmu, indústria ki’ik no minerasaun, aleinde atividade minarai no gás nian no ida mós mak hadi’a infraestrutura ekonómika no ambiente negósiu sira nian”.
Governu konsidera adezaun ba OMK ne’e hanesan prosesu ida hodi kompleta adezaun Timor-Leste nian ba ASEAN-Asosiasaun husi Nasaun sira Sudeste Aziátiku no kontribusaun importante ida ba partisipasaun ekonómika iha rejiaun. Iha deklarasaun ba Konsellu Jerál, “ASEAN simu no hah’ii ba inisiativa Timor-Leste nian ba OMK. ASEAN hatene kona-ba knaar Timor-Leste nian iha prosesu adezaun ba Organizasaun Mundiál Komérsiu nian no ninia esforsu hodi implementa reforma ekonómika no sosiál nian sira ba objetivu ida ne’e. ASEAN fó aten-barani ba membru sira hotu hodi fó apoiu ba Timor-Leste iha prosesu adezaun nian no tama ba-iha sistema komérsiu multilaterál nian ida”.
Portavós Ezekutivu, Ministru Estadu Agio Pereira, hatete katak “Governu simu no hahii ba desizaun husi Konsellu Jerál OMK nian no ho entuziazmu, hein negosiasaun ba adezaun plena”.REMATA
