Governu felisita Liurai foun Tailándia nian
Ministru Estadu no Prezidénsia Konsellu Ministru no
Portavós Ofisiál Governu Timor-Leste
Dili, Loron 14 fulan-dezembru tinan 2016
Governu felisita Liurai foun Tailándia nian
Gabinete Primeiru-Ministru hetan informasaun ofisiál husi Reál Embaixada Tailandeza nian iha Dili, iha semana liubá, iha loron 1 fulan-dezembru, katak “Liurai Boot Prínsipe Maha Vajiralongkorn grasiozamente simu ona konvite husi Prezidente Asembleia Nasionál Lejizlativa”, no tuir lei Susesaun Palásiu no Konstituisaun Liurai Tailándia nian, hodi troka nia asendente Nai-Ulun Boot Liurai Rama X husi Kaza Reál Chakri nian”.
Primeiru-Miistru no Governu Timor-Leste nian hato’o sira-nia parabéns ba Liurai no povu tailandéz.
Primeiru-Ministru Reinu Tailándia nian, Jenerál Prayut Chan-o-cha, esplika katak “Liurai Boot ne’e mak erdeiru hodi ukun durante tinan 44, ne’ebé hahú iha tinan 1972”. Daudaun ne’e fó ba nia“ direitu prerrogativa reál nia tomak, nu’udar hatuur ona iha Konstituisaun”. Serimónia Tara-Koroa ba Liurai sei hala’o tuir kritériu Liurai nian, maibé prevee ona katak sei hala’o iha tinan oin-mai, hafoin hala’o tiha serimónia sunu mate isin Liurai Bhumibol Adulyade nian.
Portavós Governu, Ministru Estadu Agio Pererira, hateten katak “Governu hametin fali ninia amizade ba povu Tailándia no hato’o votu ba Liurai Foun hetan susesu ne’ebé di’ak liu iha ninia ukun”.REMATA
