Hahú kedas iha tinan 2013 ogranizasaun naun governamentál Timor Aid, servisu hamutuk ona ho Gabinete Primeiru-Ministru, liuhusi Unidade Apoiu ba Sosiedade Sivíl, halo ona levantamentu dadus kona-ba kultura sira iha rejiaun Kovalima nian. Haree ba importánsia zona ne’e nian iha esplorasaun mina-rai no gás, komunidade lokál sira balu tenke muda, tanba konstrusaun estrada no instalasaun sira ba indústria petrolífera sira.

Iha fulan-jullu liubá Primeiru-Ministru, Rui Maria de Araújo,  dezloka ona ba rejiaun ne’e hodi loke espozisaun “Hatene ami-nia moris”, iha ne’ebé entrega ona ba komunidade no Governu Timor-Leste, rezultadu sira husi peskiza, iha livru sira, mapa sira, CD (áudiu) no DVD (imajen).

Iha vídeo tuir mai ne’e, Xefe Governu fó hanoin katak “karik kultura lakon, mak identidade polítika mós sei la iha tan ona”. Prodúz ona husi SEKOMS – Sekretaria Estadu Komunikasaun Sosiál, vídeo ne’e mós hatudu artezenatu no múzika Suai-Kamenasa ninia furak, ho sena dansa no soru “tais” nian (sorun ka teselajen típika Timor-Leste nian).