Fatin:Dili

Selebrasaun sira iha tinan ida ne’e hahú iha inísiu semana ne’e nian, ho konkursu muzikál sira.
Iha kinta, loron 10 fulan-novembru, inagura ona espozisaun fotografia nian ida iha Semitériu Santa Krús rasik no, iha sesta, loron 11, hala’o marxa ida, husi Tasi-Tolu to’o ba semitériu, hahú iha tuku 3 loraik, atu fó hanoin fila-fali dalan ne’ebé foin-sa’e martir sira liu iha tinan 25 liubá. Hafoin marxa, sei iha mós rekriasaun teatru kona-ba akontesimentu trájiku ne’e no mós debate televizivu ida ne’ebé sei fó sai liuhusi tranzmisaun direta. Sei iha mós períodu reflesaun nian ida no ezibisaun filme ida kona-ba masakre ne’e, husi jornalista Max Stahl.
Iha loron 12, sei hala’o misa iha tuku 8 dadersan, iha igreja Motaél, tuir ho prosisaun ba to’o semitériu. Iha parte loro-kraik nian, sei-iha jogu futeból entre Klube Ponta Leste no Assalam iha Estádiu Munisipál, iha oras tuku 4 loraik.