Deklarasaun Dili, ne’ebé asina ona iha Jardín Kristu-Rei, marka ona kompromisu sira ne’ebé mak asume ona iha Konferénsia V kona-ba Deskonsentrasaun, Desentralizasaun Administrativa no Podér Lokál, ne’ebé hala’o iha kapitál, iha loron 17 no 18 fulan-agostu. Iha dokumentu ne’e, afirma fila-fali uniaun no kompromisu husi Governu Timor-Leste no Governu Portugál, nune’e mós autarkia sira husi Portugál no Austrália, no mós husi organizasaun la’ós go

vernamentál sira, iha prosesu reforma Administrativa Lokál ne’ebé hala’o hela iha Timor-Leste.

Serbisu atu halo reforma kle’an ida ne’e hetan apoiu husi espesialista sira husi nasaun oin-oin, ne’ebé iha konferénsia ida ne’e sira konsentra an liu ba-iha análize kona-ba kontinuidade apoiu no kontributu tékniku no materiál sira ne’ebé  mak atu fó ba-iha prosesu Desentralizasaun Administrativa no kriasaun Podér Lokál iha nasaun ne’e.

Delegasaun sira husi Timor-Leste, Portugál, Austrália no Xina hala’o vizita ba Munisípiu no Postu Administrativu balun, atu troka esperiénsia no atualiza informasaun sira kona-b

a Programa Nasionál Dezenvolvimentu Suku sira (PNDS) no Planu Dezenvolvimentu Integradu Munisipál (PDIM).