Feriadu Idul Adha nian iha tinan 2016
Prezidénsia Konsellu Ministrus
VI Governu Konstitusionál
..............................................................................................................................
Dili, loron 23 fulan-agostu tinan 2016
Feriadu Idul Adha nian iha tinan 2016
Idul Adha, loron-boot relijiaun nian ho data variavel, iha tinan ne’e, komemora iha loron 12 fulan-setembru no la’ós iha data ne’ebé hatuur ona iha komunikadu imprensa loron 29 fulan-janeiru nian, kona-ba feriadu sira iha tinan 2016.
Idul Adha, koñesidu mós hanesan Festa Boot ka Festa Sakrifísiu (karan) nian, maka hanesan selebrasaun musulmanu nian ida ne’ebé fó hanoin fila-fali karan Abraun nian, no hala’o hafoin peregrinasaun ba Meka. Komemorasaun loron-boot ne’e nian hahú iha loron dasanuluk fulan-Dhu Al-Hijjah (fulan ikus husi tinan fulak, iha kalendáriu izlaun nian).
Atu fó hanoin de’it katak feriadu sira ho data fiksu no data variavel, data ofisiál komemorativa no toleránsia pontu sira, regula tuir Lei n. 10/2015, loron 10 fulan-agostu nian.
