Ministru Estadu no Prezidénsia Konsellu Ministru no

  Portavós Ofisiál Governu Timor-Leste

 Díli, loron 18 fulan-jullu tinan 2016

Governu apoia inisiativa hodi envolve veteranu sira husi Timor-Leste no Austrália

Governu Timor-Leste simu ho di’ak inisiativa “Timor Awakening” programa ida kona-ba moris-di’ak no reabilitasaun globál iha área saúde nian, ba veteranu australianu sira, ne’ebé hatuur iha solidaridade, amizade no kuidadu olístiku sira. Gabinete Primeiru-Ministru sei promove, iha loron sanulu-resin-ida nia laran, sorumutuk entre veteranu australianu no veteranu sira husi Rezisténsia timoroan nian, durante viajen lubun  ida ba Timor-Leste ba antigu kombatente sira.

Primeiru-Ministru, Rui Maria de Araújo, hateten katak “Timor-Leste kontente tebes ho envolvimentu iha programa ne’e, ne’ebé nia fó apoia tomak, tanba fó vantajen  pozitivu no klaru ba veteranu sira-nia moris no mós sira-nia família.

Ne’e hanesan viajen dahuluk husi viajen lubuk  ida ne’ebé no ninia fin hanesan no sei hahú iha loron 18 fulan-jullu. Viajen ne’e sei hale’u munisípiu ualu, ho kontaktu husi partisipante sira ho komunidade sira ne’ebé afetadu husi funu, maibé oras ne’e moris ona iha pás. Veteranu timoroan sira sei fahe sira-nia istória, hodi hametin liután ligasaun sira ne’ebé metin tiha ona entre komunidade antigu-kombatente sira husi nasaun rua ne’e, ne’ebé halo funu iha Funu Mundiál Daruak nian.

Maski programa ne’e nakloke ba veteranu australianu sira husi idade hotu-hotu, bele haree katak kandidatu barak liu maihusi kontinjente sira ne’ebé mai ona iha Timor-Leste husi tinan 1999 to’o 2010, hanesan parte husi INTERFET [Forsa Internasionál ba Timor-Leste] nian no hosi ISF [International Security Force], ho totál militár rihun tolunulu.Organizadór mak antigu militár INTERFET nian Majór Michael Stone, ne’ebé observa katak “soldadu hotu ne’ebé ha’u kontaktu ona ne’e hadomi tebes povu timoroan; sira hakarak haree buat barak liután iha nasaun ne’e no halo buat barak liután ba timoroan sira”.

Viajen ne’e tama iha programa ida ba veteranu australianu sira ne’ebé sei repete durante fulan sanulu-resin-rua no inklui preparasaun no edukasaun fízika, mentál no espirituál, fahe esperiénsia sira ba malu no apoiu pastorál nian.

Primeiru-Ministru, Rui Maria de Araújo, agradese ba Returned Services League Quesland nian ba Veterans Care Association Incorporated no “ba sira seluk ne’ebé envolve ona iha organizasaun ne’e no serbisu atu harii “Timor Awakening” no hato’o ninia “votu di’ak ba veteranu sira no sira-nia família ne’ebé partisipa iha akontesimentu ne’e”, no garante katak sei simu sira ho laran-ksolok iha Timor-Leste.