Toleránsia Pontu iha loron 6 fulan-jullu nian
Prezidénsia Konsellu Ministrus
VI Governu Konstitusionál
..............................................................................................................................
Díli, loron 5 fulan-jullu tinan 2016
Toleránsia Pontu iha loron 6 fulan-jullu nian
Governu deside ona hodi fó Toleránsia Pontu iha loron 6 fulan-jullu tinan 2016 nian ba funsionáriu no ajente sira husi ministériu ka servisu hirak ne’ebé depende ba sira, nune’e mós institutu no organizmu integradu sira iha administrasaun indireta Estadu nian.
Liuhusi Despaxu n.002/2016/PM loron 29 fulan-janeiru nian, no ho indikasaun husi Dioseze no Sentru Komunidade Izlámika Timor-Leste nian ne’ebé hatuur ona feriadu movel sira ba tinan 2016 nian.
Iha okaziaun festividade Idul Fitri komunidade musulmanu nian, fó toleránsia pontu, durante loron tomak, iha loron 6 fulan-jullu nomós feriadu iha loron 7 fulan-jullu nian.
Desizaun ne’e foti tuir Lei n.10/2005, loron 10 fulan-agostu, ne’ebé determina loron hirak ne’ebé sai hanesan feriadu nasionál, data ofisiál komemorativa sira no toleránsia pontu, no desizaun ne’e foti iha konsiderasaun ba festa família nian ne’ebé selebra iha okaziaun festa nian ida ne’e, ne’ebé tuir lisan, dedika ona ba membru família sira hotu atu halibur-malu, no marka ho festividade no serimónia relijioza sira.
