Toleránsia pontu iha loron 24 fulan-marsu
Prezidénsia Konsellu Ministrus
VI Governu Konstitusionál
..............................................................................................................................
Díli, loron 21 fulan-marsu tinan 2016
Komunikadu Imprensa
Toleránsia pontu iha loron 24 fulan-marsu
Governu diside ona fó toleránsia pontu iha loron 24 fulan-marsu ba funsionáriu no ajente ministériu sira ka servisu ne’ebé sira depende ba, nune’e mós institutu no organizmu hirak ne’ebé tama iha administrasaun indireta Estadu nian.
Desizaun ida-ne’e bazeia ba Lei n.u 10/2005 loron 10 fulan-agostu nian, ne’ebé determina loron feriadu nasionál, data ofisiál komemorativa no toleránsia pontu. Entre data ofisiál komemorativa hirak ne’e, Kinta-feira Sanda mak iha tinan-tinan la monu iha loron hanesan.
Kinta-Feira Santa, tinan ida-ne’e sei selebra iha loron 24 fulan-marsu, loron ikus Kuarezma nian iha kalendáriu relijiaun katólika nian, no loron ne’e nu’udar loron boot no importante tebes-tebes ba Komunidade Kristaun Timor-Leste nian. Ho faktu ida-ne’e Governu foti desizaun hodi fó toleránsia durante loron tomak.
