Governu Timor-Leste

Primeiru-Ministru, Dr. Rui Maria de Araújo, lansa ofisialmente Gabinete Fronteira Marítima nia website, ohin dader.

Website ne’e plataforma komprensivu ida iha Internet hodi esplika ho detallu tanba sá maka Timor-Leste luta hela ba fronteira marítima sira no hodi haree ba tratadu hirak ne’ebé eziste iha Tasi Timor, no mos Nasoens Unidas nia Lei Tasi nian.

Timor-Leste fahe nia fronteira marítima sira ho Indonézia no Austrália no seidauk estabelese fronteira sira ne’e. Alkansa fronteira marítima sira permanente maka prioridade nasionál ida ba Timor-Leste – ida ne’e maka hakat ikus nian ba Timor-Leste nia luta ba soberania no independénsia.

Website ne’e iha lia-tolu, iha ita-nia lia ofisiál sira, Tetun no Portugés no Inglés ba ita-nia maluk internasionál sira.

Atu haree website ne’e, favor haree iha http://www.gfm.tl/