Sorumutuk Konsellu Ministrus loron 24 fulan-fevereiru 2016
Prezidénsia Konsellu Ministrus
VI Governu Konstitusionál
..............................................................................................................................
Dili, loron 24 fulan-fevereiru tinan 2016
Komunikadu Imprensa
Sorumutuk Konsellu Ministrus loron 24 fulan-fevereiru 2016
Konsellu Ministrus hala’o sorumutuk iha kuarta-feira ne’e, loron 24 fulan-fevereiru tinan 2016, iha sala sorumutuk Konsellu Ministrus nian, iha Palásiu Governu, iha Dili no aprova ona Interpozisaun rekursu kontensiozu anulasaun nian ba desizaun ezonerasaun xefe Estadu Maiór Jenerál Forsas Armadas no Vise-Xefe Estadu Maiór Jenerál Forsas Armadas nian, nune’e mós desizaun tuirmai kona-ba nomeasaun Xefe Estadu Maiór Jenerál Forsas Armadas nian, tuir alínea a), nu 4 husi artigu 129.o Konstituisaun Repúblika nian.
