Loron: 22-24 fulan-fevereiru
Fatin: Salaun Nobre Ministériu Negósiu Estranjeiru no Kooperasaun

Ministru sira Komérsiu nian hosi Komunidade País Lia-Portugés (CPLP-sigla iha Lia-Portugés) nian, hala’o Sorumutuk Dahuluk iha Luanda, iha tinan 2012. Tinan ida ne’e, Sorumutuk Daruak nian sei hala’o iha Dili, iha loron 22 to’o 24 fulan-fevereiru.

Iha Sorumutuk Daruak ne’e, sei partisipa país sira husi Angola, Brazil, Kabuverde, Giné-Bisau, Giné Ekuatoriál, Mosambike, , Portugál, Saun Tomé no Prínsipe no Timor-Leste. Iha reuniaun ne’e sei marka mós prezensa husi nasaun observadór sira hanesan Japaun, Jeorjia, Maurisiu, Namibia, Senegal no Turkia no mos nasaun sira ne’ebé mak Timor-Leste konvida hanesan Austrália, Indonézia, Singapura no Vietnam.

Reuniaun ne’e hanesan momentu ne’ebe importantes hodi ko’alia kona-ba impaktu husi krize finanseira ne’ebé provoka husi folin minarai nian ne’ebé tun iha nasaun sira CPLP nian hasoru, apoiu ba setór privadu, adezaun ba Organizasaun Mundiál Komérsiu nian no mós ba oportunidade no dezafiu sira ne’ebé Komunidade País Lia-Portugés sira no Ázia hasoru. Aleinde ne’e, iha mós asuntu importante balun ne’ebé sei debate hamutuk entre Ministru Komérsiu sira husi nasaun CPLP nian.

Iha Sorumutuk ne’e, tema sira ba reflesaun sei hato’o liuhosi Sorumutuk Téknika Pontu Fokál sira Komérsiu nian, husi avaliasaun grau ezekusaun Deklarasaun Luanda nian loron 14 fulan-maiu 2012, husi apresiasaun projetu Planu Estratéjiku Kooperasaun Multilaterál iha Área Komérsiu ba tinan 2016-2018 no husi elaborasaun projetu deklarasaun finál Sorumutuk II ne’e Ministru sira Komérsiu CPLP nian.