Governu Timor-Leste

Ministru Estadu no Prezidénsia Konsellu Ministru no

  Portavós Ofisiál Governu Timor-Leste

 Dili, loron 10 fulan-fevereiru tinan 2016

Governo simu ho di’ak polítika PTA nian atu estabelese fronteira marítima sira

Governu simu ho di’ak deklarasun ohin nian ne’ebé halo husi Tanya Plibersek, Membru Parlamentu nian, Vise-Dirijente Opozisaun nian no Ministra Sombra ( Ema ne’ebé hala’o knaar nu’udar Ministru Negósius Estranjeirus iha partidu nia laran) .

Dirije ba Klube Nasionál Imprensa nian, iha Kamberra [Camberra], Tanya Plibersek afirma katak: “Governu traballista ida ne’ebé lidera husi Bill Shorten sei reforsa ita-nia esforsu hodi hakotu ho hanoin-di’ak negosiasaun  sira ho Timor-Leste, ho objetivu atu determina fronteira marítima sira entre país rua ne’e. Karik ita la hetan susesu iha negosiasaun akordu ida ne’e nian ho ita-nia viziñu, ita prontu atu submete ita-nia an iha desizaun ka arbitrajen internasionál”.

Há’u kontinua afirma katak, “tanba iha interese nasionál tantu husi Austrália nune’e mós husi Timor-Leste mak ami aseita arbitrajen ida ne’e, maibé importnate mós ba-iha interesse husi sitema internasionál ne’e rasik ne’ebé fó barak ona ba Austrália, afirma katak ami prontu atu partisipa ho liberdade iha arbitrajen ne’e”.

Anúnsiu ohin nian mai husi kontinuasaun kompromisu Partido Traballista Australianu (PTA) nian, aprova ona iha nia Konferénsia Nasionál, hodi “hola parte mós iha kompromisu ida estruturadu ho Timor-Leste atu halo negosisaun ba akordu ida kona-ba fronteira marítima sira”, karik nia eleitu ba Governu. Vise-Dirijente Opozisaun nian esplika ona katak, deklarasaun ohin nian fó ona hakat ida ba oin, hodi konfirma determinasaun PTA nian atu tama ba-iha prosesu arbitrajen nian ka desizaun nian karik negosiasaun sira la hetan susesu.

Deklarasaun sira daudaun ne’e nian, tantu Governu nian ka Opozisaun nian, husi defeza papél importante Direitu internasionál nian ba rezolusaun konflitu entre Estadu sira nian, hakbesik ba pozisaun Governu Timor nian.

Daudaun ne’e, Timor-Leste hahú halo ona negosiasaun hodi estabelese fronterira marítima nian ho Indonézia, no iha semana liubá, Kay Rala Xanana Gusmão hetan nomeasaun husi Konsellu Ministrus Timor-Leste nian nu’udar Negosiadór Prinsipál ba negosiasaun fronteira marítima sira-nian.

Portavós Governu Konstitusionál VI nian, Ministru Estadu Agio Pereira, haree ona katak, “Pozisaun Traballista Australianu, ne’ebé mak ohin Tanya Plibersek hatete di’ak liu, hatudu katak iha possibilidade atubele sai husi difikuldade atuál ne’e, bainhira iha vontade atu halo. Austrália hanesan país ne’ebé defende Direitu Internasionál, ne’ebé lidera husi Primeir-Ministru ida ne’ebé hatudu konfiansa iha mekanizmu sira ba disputa internasionál sira nian, hetan pozisaun di’ak hodi avansa no halo negosiasaun ho Timor-Leste hodi estabeles fronteira marítima komun nian sira.”