Toleránsia Pontu ba loron 24, parte loraik, no 31, durante loron tomak
Prezidénsia Konsellu Ministrus
VI Governu Konstitusionál
..............................................................................................................................
Díli, loron 21 fulan-dezembru tinan 2015
Komunikadu Imprensa
Toleránsia Pontu ba loron 24, parte loraik, no 31, durante loron tomak
Governu deside ona hodi fó toleránsia pontu, iha tinan ne’e, iha loron 24, iha parte loraik, no 31 fulan-dezembru, durante loron tomak, ba funsionáriu no ajente hotu-hotu husi ministériu sira ka servisu hirak ne’ebé depende ba ministériu sira ne’e, nune’e mós ba institutu no organízmu sira ne’ebé integra iha administrasaun indireta Estadu nian.
Desizaun ne’e bazeia ba Lei n.u 10/2005, loron 10 fulan-agostu, ne’ebé determina loron hirak ne’ebé sai hanesan feriadu nasionál, data ofisiál komemorativa no toleránsia pontu, no desizaun ne’e foti ho konsiderasaun ba festa família nian ne’ebé sei selebra iha kuadra festiva ne’e, no ne’ebé tuir tradisaun konsagra hanesan tempu ba membru família sira atu halibur malu, no tanba marka ho festividade no serimónia relijioza sira.
