GOVERNU KONSTITUSIONÁL IV

SEKRETARIA ESTADU KONSELLU MINISTRU

KOMUNIKADU IMPRENSA

Soru-mutu Konsellu Ministru iha loron 8 fulan Fevereiru tinan 2010

 

Konsellu Ministrus hala’o soru-mutu   Extraordinariu iha loron 8 fulan Febereiru tinan 2010, aprova:

Rezolusaun atu hala’o Seremónia Funebre ofisial ba Sekretariu Estadu Peska, Sr. Eduardo De Carvalho ne’eb’e I’is kotu iha tuku 3.00 dader, loron Sabadu 6-Febereiru iha loron rua liu ba.

“Konsellu Ministrus hato’o nia sentimentu kondolensia ba matebian nia familia tomak, amigus no kolega sira hotu ne’ebé assosia ho matebian durante móris”

Hanesan membru IV Governu Konstitusional  ida ne’ebe halao kna’ar ho dedikasaun, kompeténsia no integridade tomak hodi kontribui makas tebtebes ba dezenvolvimentu nasaun Timor-Leste. Konsellu Ministrus desidi fo homenagen ba ninia kontribuisaun ho Seremonia funibre ne’ebé halao iha loron 8 fulan Febereiru tinan 2010.

Sekretariu Estadu Peskas, Eduardo de Carvalho ne’ebe hakotu iis iha nia Uma Ailok laran Dili, móris iha  Distritu Ainaro loron 9 fulan Jullu 1959, simu pose hanesan Sekretariu Estadu ba iha Peskas, iha loron 8 fulan Agustu 2007.