Kondolénsia no apoiu ba Governu no Povu fransés
Ministru Estadu no Prezidénsia Konsellu Ministru no
Portavós Ofisiál Governu Timor-Leste
Díli, loron 14 fulan-novembru tinan 2015
Kondolénsia no apoiu ba Governu no Povu fransés
Governu Timor-Leste hato’o ba Governu no ba Povu fransés sentida kondolénsia kle’an tanba mate sira ne’ebé kauza husi hahalok kriminozu no violentu sira durante oras 24 ikus nian ne’e.
Timor-Leste sai hanesan solidáriu ho povu Fransa nian hodi hamutuk ho komunidade internasionál, kondena hahalok terrorista hirak ne’e. Iha momentu triste nian ne’e, Primeiru-Ministru Timor-Leste nian hamutuk ho Prezidente Repúblika Franseza, François Hollande no Primeiru Ministru, Manuel Valls, manifesta sira nia apoiu ba Governu no ba ekipa médika no seguransa nian sira hotu ne’ebé maka fó sira nia esforsu tomak no di’ak liu hasoru situasaun trájiku no defísil ida ne’e.
Primeiru-Ministru Timor-Leste nian, Rui Maria de Araújo hateten katak “ita-nia sentimentu sira hamutuk ho povu Fransa nian no ho sira hotu ne’ebé mak envolve ba-iha eventu traumátiku hirak ne’e. Iha momentu difísil ida ne’e, sira nafatin iha ita-nia hanoin no iha ita-nia orasaun.”
