Ministru Estadu no Prezidénsia Konsellu Ministru no

  Portavós Ofisiál Governu Timor-Leste

 Díli, loron 27 fulan-outubru tinan 2015

Ministru Interiór no Administrasaun Interna CPLP nian sira hala’o sorumutuk iha Díli

Ministru Interiór no Administrasaun Interna Komunidade Nasaun Lian Portugés CPLP nian sira (CPLP  sigla iha lian portugés) hala’o sorumutuk horisehik iha Dili ba sira nia sorumutuk bienál (ba tinan rua nian) IV,  ho objetivu atu dezenvolve no hametin kooperasaun iha área seguransa interna nian. Sorumutuk ne’ebé prezide hosi Ministru Interiór Timor-Leste nian Longuinhos Monteiro,  hahú ho diskursu Primeiru-Ministru nian, Rui Maria de Araújo.

Xefe Ezekutivu ne’e hato’o boazvindas ba reprezentante sira hosi Angola, Brazíl, Kabuverde, Giné Ekuatoriál, Giné-Bisau, Mosambike, Portugál no Saun Tomé e Prínsipe, ne’ebé hateten katak, situasaun atuál, sira hotu-hotu hasoru dalabarak liu  dezafiu  sira mak iha setór seguransa nian. Primeiru-Ministru esplika iha ámbitu seguransa nian, inklui “seguransa umana, no mós seguransa nasaun nian,  kombate atividade ilegál sira no kriminalidade ekonómika, hodi kontribui ba estabilidade polítika, ekonómika  populasaun  sira nian”.

Informa ona mós katak, iha biban ida ne’e “Timor-Leste la’o ona iha dalan ne’ebé loos, no ohin loron goza mós klima seguransa nian ne’ebé hamutuk ho esforsu atu bele dada investimentu nasionál no estranjeiru, sai mós nu’udarpilár dezenvolvimentu  País nian”.

Hafoin liu tiha  sorumutuk téknika ira lubuk ida ne’ebé hahú iha loron 20 fulan-outubru, partisipante sira debate asuntu hirak ne’ebé relasiona ho Prevensaun Kriminalidade no Polisiamentu Proximidade nian, Protesaun ba Natureza no Ambiente, Jestaun Sivil Krize sira nian, Arma no Explozivu sira, Investigasaun Kriminál, Prevensaun no Kombate ba Imigrasaun Ilegál no Tráfiku ba Ema nian sira, Observatóriu ba traballadór ne’ebé tama sai no Rede Feto Polísia.

Deklarasaun Díli nian asina ona iha sorumutuk nia rohan ne’ebé tau desizaun no kompromisu sira husi grupu nian, inklui asaun espesífika sira iha área Polísia, Migrasaun, Estranjeiru no Fronteira, Seguransa Públika, Protesaun Sivíl no Bonbeiru nian sira.

Portavós  Governu Konstitusionál VI nian, Ministru Estadu Ágio Pereira temi katak “kooperasaun  ba-iha área seguransa nian, hamutuk hofahe esperiénsia no perspetiva sira husi loron hirak ikus ne’e nian ,  ajuda nasaun hotu-shotu husi CPLP  atu mantein pás,defende Estadu Direitu no respeitu ba  integridade sidadaun sira nian no promosaun dezenvolvimentu nian sira. Nu’udar temi husi  Timor-Leste ho forma ne’ebé la sai husi dezenvolvimentu ba Objetivu foun sira Dezenvolvimentu Sustentável nian, maka pás ne’e presiza tebes ba dezenvolvimentu sosiedade  no ekonomia sira”.