Ministru Estadu no Prezidénsia Konsellu Ministru no

  Portavós Ofisiál Governu Timor-Leste

 Díli, loron 21 fulan-setembru tinan 2015

Timor-Leste felisita Primeiru-Ministru Malcom Turnbull

Primeiru-Ministru Timor-Leste nian, Rui Maria de Araújo, hodi Governu nian naran no povu Timor-Leste nian, hato’o parabéns ba Malcom Turnbull ba nia nomeasuan, iha semana liubá, nu’udar Primeiru-Ministru Austrália nian.

Primeiru-Ministr, Rui Maria de Araújo, liuhusi karta ida ne’ebé haruka ba ninia omólogu australianu, afirma katak nia laran-metin ba oportunidade atu kolabora ho Xefe Ezekutivu foun, hodi hatete tan “nia fiar katak ho nia optimizmu kona-ba Austrália ninia poténsia iha ita-nia rejiaun, no ho ita-nia interesse no valór hirak ne’ebé komún, ita hamutuk bele kolabora ba estabilidade no prosperidade rejionál sira”.

Primeiru-Ministru, Rui Maria de Araújo, aproveita iha biban ida ne’e hodi konvida mós Turnbull ba vizita ofisiál ida ba país .

Governu Timor-Leste nian hato’o votu susesu ba Primeiru-Ministru Turnbull, ba ninia Governu no ba povu australianu”.REMATA