Ministru Planeamentu no Investimentu Estratéjiku, Kay Rala Xanana Gusmão, simu ona kondekorasaun ho prémiu “Eselénsia iha Saúde Públika nian” hosi Organizasaun Mundiál Saúde (OMS-sigla iha lian portugés). Diretora Rejionál, Dra. Poonam Khetrapal Singh, hato’o ona prémiu iha loron 10 fulan-setembru, durante sesaun ba da-68 Komité Rejionál Sudeste Aziátiku nian husi Organizasaun Mundiál Saúde, ne’ebé hala’o iha Díli.

Antigu Prezidenti no antigu Primeiru-Ministru hetan rekoñesimentu tanba “ harii sevisu saúde sustentável sira, liuliu iha formasaun ba médiku sira”.

Iha 2003, bainhira nu’udar Prezidenti Xanana Gusmão asina ona akordu istóriku ida ho Kuba, hodi harii sistema saúde ida sustentável no hodi forma médiku timoroan sira. Iha 2005, akordu ida ne’e iha reforsu no inklui bolsa estudu sira 1.000 ba formasaun médiku timoroan sira no “brigada” ida kompostu hosi traballadór kubanu sira saúde nian hamutuk 300 atu hala’o servisu saúde nian iha Timor-Leste.

OMS haree ona katak, hanesan rezultadu husi esforsu hirak ne’e “ohin loron aldeia sira hamutuk 442 país nian pelumenus iha médiku ida ba sentru no unidade idak-idak saúde nian.

Programa Kontrolu Malária nian iha Timor-Leste fó hosi OMS iha tinan kotuk.