Lamentavelmente, Mauk Moruk mate iha Operasaun Konjunta
Ministru Estadu no Prezidénsia Konsellu Ministru no
Portavós Ofisiál Governu Timor-Leste
Dili, loron 8 fulan-agostu tinan 2015
Lamentavelmente, Mauk Moruk mate iha Operasaun Konjunta
Mauk Moruk mate ohin iha konfrontu ida ho forsa Operasaun Konjunta. Esforsu hotu-hotu halo ona atubele evita rezultadu ida ne’e.
Lamentavelmente, Operasaun Konjunta ne’ebé envolve Polísia Nasionál Timor-Leste (PNTL) no Forsa Defeza Timor-Leste (F-FDTL) ne’e labele evita konfrontu ne’ebé mosu ohin, iha área Fatulia, hafoin mosu tiru malu. Iha mos ema na’in rua maka mate no balun kanek. Ajente PNTL nian ida mós hetan kanek.
Governu husu ba sidadaun hotu-hotu atu hela hakmatek nafatin. Komisaun Interministeriál Seguransa nian sei hala’o sorumutuk aban dadeer no sorumutuk ne’e hotu tiha sei halo deklarasaun barak liután.
