Governu Timor-Leste

Fatin: Arkivu no Muzeu Rezisténsia Timorense
Oras: Tuku 2 loraik

Serimónia entrega sertifikadu partisipasaun nian iha formasaun lian portugés ba jornalista sira iha tinan 2014 no aprezentasaun kona-ba siklu foun formasaun nian ba tinan 2015, ”Konsultóriu lian portugés nian ba jornalista sira” sei hala’o iha loron 9 fulan-jullu, iha tuku 2 loraik, iha auditóriu Arkivu no Muzeu Rezizténsia Timorense.

Projetu ida ne’e enkuadra iha Komponente Komunikasaun Sosiál nian husi Programa Apoiu ba Governasaun Demokrátika Timor-Leste nian, Kooperasaun ne’ebé Uniaun Europeia Delega ba Portugal iha Camões,IP. ne’ebé, husikedas tinan 2012, aposta ona iha apoiu ba formasaun jornalista timoroan sira, entre área sira seluk.

Sei marka prezensa iha serimónia ne’e maka Sekretáriu Estadu Komunikasaun Sosiál, Reitór Universidade Nasionál Timor Lorosa’e, Embaixadór Portugal nian, Xefe Delegasaun Uniaun Europeia nian, diretór sira husi órgaun komunikasaun sosiál nian sira no mós jornalista sira.