Konferénsia XIV Ministru Justisa sira husi Nasaun Lian Ofisiál Portugés sira
Konferénsia XIV Ministru Justisa sira husi Nasaun sira Lian Ofisiál Portugés sira sei hala’o iha Dili, husi loron 19 to’o loron 23 fulan-juñu.
Konferénsia ne’e hala’o iha plenáriu, liuhusi sorumutu Ministru Justisa nian sira, ne’ebé hala’o tinan rua dala ida. Konferénsia ne’e nia objetivu fundamentál maka atu promove dezenvolvimentu relasaun kooperasaun nian entre nasaun partisipante sira iha área justisa nian, liuhusi:
a) Reflesaun hamutuk kona-ba tema sira ne’ebé sai hanesan interese komún nian ba sistema jurídiku no judisiáriu oin-oin;
b) Avaliasaun kona-ba relasaun kooperasaun bilaterál no multilaterál nian sira ne’ebé mak agora daudaun iha;
c) Halo identifikasaun ba área foun kooperasaun nian;
d) Promosaun atu halo akordu kooperasaun jurídika no judisiária foun no halo akompañamentu ba ezekusaun ne’ebé mak vigora tiha ona.
Informasaun barak liután bele hare iha Ministériu Justisa website: http://www.mj.gov.tl/?q=node/825
Loron: 19 fulan juñu
Fatin: Ministériu Negósius Estranjeirus no Kooperasaun
Tuku 10:00-13:00: Sorumutu kona-ba preparasaun Konferénsia XIV Ministru Justisa sira husi Nasaun Lian Ofisiál Portugés sira.
Loron: 22 fulan-juñu
Fatin: Ministériu Negósius Estranjeirus no Kooperasaun
Tuku 10:00: Sesaun solene abertura Konferénsia XIV Ministru Justisa sira husi Nasaun Lian Ofisiál Portugés sira
Diskursu husi Primeiru-Ministru Repúblika Demokrátika Timor-Leste, Dr. Rui Maria de Araújo
Tuku 10:45: Konferénsia Ministru Justisa sira CPLP nian (sesaun limitada)
Loron: 23 fulan-juñu
Fatin: Ministériu Negósius Estranjeirus no Kooperasaun
Tuku 17:30: Sesaun solene enserramentu Konferénsia XIV Ministru Justisa sira husi Nasaun Lian Ofisiál Portugés sira
− Diskursu husi Ministru Estadu Koordenadór Asuntu Administrativu no Ministru Administrasaun Estatál, Dionísio Babo Soares
Tuku 17:45 to’o 18:45: Serimónia Asinatura nian
− Akta finál Konferénsia XIV Ministru Justisa sira husi Nasaun Lian Ofisiál Portugés sira
− Deklarasaun Dili nian kona-ba protesaun internasionál ba labarik sira iha espasu CPLP nian.
Foto família Xefe Delegasaun nian sira
