………………………………………………………………………………………………………………
Díli, loron 4 fulan-juñu tinan 2015
Komunikadu Imprensa
Toleránsia pontu ba-iha loron 5 fulan-juñu 2015, hahú hosi oras 12
Governu Konstitusionál VI Timor-Leste nian deside ona fó toleránsia pontu ba-iha loron 5 fulan-juñu 2015, hahú hosi oras 12, ba funsionáriu no ajente sira hotu ministériu nian sira ka servisu hirak ne’ebé depende ba sira, nune’e mós institutu no organizmu hirak ne’ebé integra ba-iha administrasaun indireta Estadu nian. Toleránsia pontu ida ne’e abranje mós eskola sira hotu iha territóriu nasionál tomak.
Iha loron ida ne’e, sei hala’o serimónia fúnebre, ne’ebé sei fó omenajen ikus nian ba eis-Prezidente Parlamentu Nasionál no Ministru Estadu, Koordenadór ba Asuntu Sosiál sira no Ministru Edukasaun Governu Konstitusionál VI nian, Fernando “La Sama” de Araújo, nu’udar razaun ne’ebé maka justifika hotu ba toleránsia pontu ida ne’e.
Desizaun ida ne’e bazeia ba Lei n.u 10/2005, loron 10, fulan-agostu nian, ne’ebé determina loron sira feriadu nasionál, data ofisiál komemorasaun no fó toleránsia pontu nian sira.