Toleránsia pontu ba loron 13, fulan-maiu tinan 2015, hahú tuku 12.30
Prezidénsia Konsellu Ministrus
VI Governu Konstitusionál
..............................................................................................................................
Díli, loron 11 fulan-maiu tinan 2015
Komunikadu Imprensa
Toleránsia pontu ba loron 13, fulan-maiu tinan 2015, hahú tuku 12.30
Governu deside ona, atu fo toleránsia pontu, iha loron 13, fulan-maiu tinan 2015, hahú tuku 12.30, ba funsionáriu, ajente ministériu nian sira ka servisu sira ne’ebé dependente ba nia, nune’e mós ba institutu no organizmu hirak ne’ebé integra iha administrasaun indireta Estadu nian sira.
Desizaun ne’e bazeia ba Lei nu. 10/2005, loron 10, fulan Agostu, ne’ebé determina loron feriadu nasionál sira, loron ofisiál sira ba komemorasaun no toleránsia pontu nian.
Loron 13 fulan-maiu mak nu’udar loron boot ne’ebé iha importánsia boot ba komunidade sarani, tanba iha loron ne’e bele selebra Na’in Feto Fátima nia loron no mensajen ne’ebé nia lori mai Povu.
Iha loron ida ne’e, komunidade sira fó omenajen barbarak ba Na’in Feto hosi Fátima liuhosi organizasaun prosisaun no eventu hirak ne’ebé relijiozu, tanba ne’e maka Governu hakarak fó toleránsia pontu hahú tuku 12 minutu 30.
