………………………………………………………………………………………………………………
Díli, loron 4 fulan-abríl tinan 2015
Komunikadu Imprensa
Sorumutuk estraordináriu Konsellu Ministrus nian iha loron 4 fulan-abríl tinan 2015
Governu hala’o sorumutuk iha sábadu ne’e iha loron 4 fulan-abríl tinan 2015, iha Salaun Nobre Ministériu Negósius Estranjeirus no Kooperasaun, iha Dili no aprova ona diploma rua:
2. Rezolusaun Governu nian kona-ba Kondekorasaun Póstuma Sua Exelénsia Reverendísima Dom Alberto Ricardo da Silva
Diploma ne’e hato’o ba Prezidente Repúblika hodi fó kondekorasaun, liuhosi títulu póstumu ba Sua Exelénsia Reverendísima Don Alberto Ricardo da Silva, ho títulu onorífiku Orden Nicolau Lobato, ne’ebé aprezenta hosi Komisaun Omenajen, Supervizaun Rejistu no Rekursu nian sira.
Orden Onorífiku Nicolau Lobato nian ne’e, laós de’it ba Kombatente Veteranu Libertasaun Nasionál no Kombatente Libertasaun Nasionál nian sira, maibé mós ba Entidade sira ne’ebé tanba sira ninia kna’ar kontribui ona ba-iha Luta Libertasaun Nasionál nian.
Sua Exelénsia Reveredísima Don Alberto da Silva husik hela legadu ida kona-ba esperansa no pás tanba nia intervensaun ne’ebé labele husik liu entre atividade sira ne’e maka simu no proteje iha igreja Motaél, foinsa’e sira hosi Organizasaun klandestina ne’ebé ninia rezultadu provoka manisfestasaun pasífika boot ida ba-iha loron 12 fulan-novembru tinan 1991, iha Motaél, Santa-Krus, situasaun ne’ebé tuir mai hamosu lala’ok la respeita dignidade ema nian hosi militár Indonézia sira.
2. Rezolusaun Governu nian ne’ebé aprova lutu nasionál hodi fó ónra ba Sua Exelénsia Reverendísima Don Alberto Ricardo da Silva
Governu deside ona iha loron 6 fuan-abríl sai nuudar lutu nasionál hodi fó ónra ba Sua Exelénsia Reveríndísima Don Alberto Ricardo da Silva. Durante periódu lutu nian, edifísiu governu nian sira sei hasa’e bandeira nasionál to’o de’it klaran hosi tuku 06:00-18:00.