Ministru Hernani Coelho hala’o vizita servisu nian ba Bruxelas
Ministru Negósiu Estranjeiru no Kooperasaun, Hernani Coelho, halo viajen servisu nian ba iha Bruxelas atu tuir Sorumutuk Grupo Internacional de Contacto para a Giné-Bissau [Grupu Kontaktu Internasionál ba Giné-Bisau] ne’ebé sei hala’o iha loron 25 fulan-marsu.
Sorumutuk ida ne’e nia objetivu mak atu diskute kona-ba apoiu komunidade internasionál ba Giné-Bisau ne’ebé konta mós ho partisipasaun husi Governu Giné-Bisau nian, Uniaun Europeia no mós Programa Nasoins Unidas nian ba Dezenvolvimentu (PNUD).
Aleinde Ministru Hernani Coelho, delegasaun Timor-Leste nian inklui mós Embaixadór Timor-Leste nian iha Bruxelas, Nelson Santos, Diretór Ajénsia Kooperasaun Timor-Leste nian iha Giné-Bisau, Alberto Carlos no mós Reprezentante Permanente Timor-Leste iha CPLP, Embaixadór Antonito de Araújo.
