Ministru Estadu no Prezidénsia Konsellu Ministru no

  Portavós Ofisiál Governu Timor-Leste

 Dili, loron 21 fulan-marsu tinan 2015

Operasaun konjunta hahú

Operasaun konjunta ida ne’ebé envolve FALINTIL-Forsa Defeza Timor-Leste (F-FDTL) no Polísia Nasionál Timor-Leste (PNTL) nian atu “previne no bandu asaun kriminoza sira husi grupu ilegál hirak ne’ebé hamosu instabilidade  iha nasaun laran” hahú tiha ona.

Operasaun konjunta ne’e hanesan hatan ida ba insidente hirak ne’ebé mosu foin dadaun ne’e iha Baguia, iha loron 8 fulan-marsu nian, no balu tan ne’ebé akontese besik Laga, iha loron 15 fulan-janeiru nian.  Insidente rua ne’e envolve hotu atake  hasoru ajente polísia nian sira. Iha Timor-Leste lei bandu ezisténsia grupu armadu militár ka paramilitár sira. Hahalok krime nian, hanesan hirak ne’ebé mosu ikus-ikus ne’e, labele hetan toleránsia.

Governu fó ona mandatu, liuhusi rezolusaun ne’ebé aprova ona husi Konsellu Ministrus, iha loron 9 fulan-marsu, ba komandu F-FDTL no PNTL nian atu organiza operasaun konjunta ida hodi hapara hahalok krime nian sira ne’e. Rezolusaun ne’e, tuir Prezidente Repúblika no Parlamentu Nasionál,

Rezolusaun ida husi Konsellu Ministrus ne’ebé fó sai foin lalais ne’e iha loron 12 fulan-marsu ne’ebé hetan ona ratifikasaun husi Sua Eselénsia Prezidente Repúblika nian, aprova ona “Regra Empeñamentu nian sira” ne’ebé propoin husi Komandu F-FDTL no Komandu PNTL nian no fó nia apoiu no konfiansa tomak iha operasaun konjunta ne’ebé F-FDTL no PNTL maka komanda.

PNTL no F-FDTL sei atua ho profisionalizmu no tuir Regra Empeñamentu nian hirak rigorozu ne’ebé estabelese tiha ona atu hatán ba elementu sira husi krime organizadu, ne’ebé mak identifika ona, ho objetivu atu kria instabilidade iha nasaun.

Portavós Governu nian, Agio Pereira, hateten katak “natureza grave husi insidente sira ne’e, ne’ebé envolve grupu ilegál armadu sira, obriga Governu halo atuasaun lalais atubele proteje interese nasionál no garante seguransa populasaun nian.