Governu Konstitusionál VI hala’o sorumutuk iha Ministériu Negósius Estranjeirus no Kooperasaun, iha loron 17 fulan-fevereiru, iha Díli, loron ida hafoin simu pose, nu’udar loron dahuluk somutuk Konsellu Ministrus nian. Iha sorumutuk ne’e, membru sira hotu Ezekutivu foun nian marka sira nia prezensa hodi diskuti no aprova tiha Orgánika Governu nian.

Forma tiha grupu traballu sira ba pasta ministeriál atu define konteúdu Dekretu-Lei ne’e, ne’ebé define estrutura, orgánika, kompeténsia no filozofia Governu Konstitusionál VI nian. Hafoin han tiha meiudia, membru Governu sira halibur fali malu hodi analiza proposta ne’ebé aprova tiha iha lokraik rohan.

Atu haree Komunikadu Imprensa sorumutk estraórdináriu Konsellu Ministrus nian, klik iha ne’e.

Atu haree Komunikadu Imprensa Portavós nian ho lista naran Governu nian, klik iha ne’e.

Sorumutuk estraordinária ne’e hala’o iha loron tuir mai Fó Pose, hosi Prezidente Repúblika Taur Matan Ruak, iha Palásiu Prezidensiál Lahane, iha Díli. Mai iha serimónia ne’e bainaka sira husi nasionál no internasionál nian sira.

Atu haree Komunikadu Imprensa Portavós Governu nian kona-ba Simu Pose nian, klik iha ne’e.